Gaur amaitu da aurtengo udako ludoteka, eta ekintzaz, barrez eta une ahaztezinez betetako egun ederrei agur esan diegu.
Azken aste honetan ere ez da planik falta izan: olinpiadak, Mallabira irteera, eskulanak, jolasak, aurpegi margoketa… Eta gaur, amaiera ezin hobea emateko, Santixauetako txupinazoarekin ospatu dugu azken eguna.
Bihar hasiko dira gure herriko jaiak, eta guztiok prest gaude Santixauak gogoz bizitzeko. Ondoren, oporrez gozatzeko aukera izango dugu, indarrak berritzeko eta uda ederra pasatzeko.
Ludotekan egun hauetan gauza asko ikasi ditugu, baina garrantzitsuena elkarrekin primeran pasa dugula izan da. Eskerrik asko parte hartu duzuen guztioi giro eder hau sortzeagatik!
Gora Santixauak eta opor zoriontsuak denoi!